今日同賣野部門的同事閒聊，言談中得知佢原來有試過撞到d怪事，俗稱係試過撞野，而且係唔止一次，出事地點包括佢舊屋企(公屋)、山路、日本同埋我地公司個show room~~唔...諗起都有d驚，夜孖孖寫呢d野唔係幾好，都係聽朝瞓醒日光白白先寫好d~~

好，天朗氣清，開始寫怪野~~

公司showroom怪事：一．同事有一次係showroom執野，係winx個一part，執執下立到後面有塊白布飄過，但一寧轉面係咩都冇既~~二．又係有一次執野，後面突然間有人叫佢個名「喂！壞人~~」，但又係一寧轉面係咩都冇既~~

山路事件(我覺得係笑話)：有一次佢打完波，行番屋企途中，突然間有把女仔聲係佢耳邊講「燒d野比我」，佢答「我冇錢，唔燒」。聽完我笑住問佢咁如果你有錢會唔會燒，佢話會。事實係當時真係冇錢，所以先咁答佢~~

日本佢試過係條街行行下，突然聽到有人打籃球既聲「拍！拍！拍！」係前面出現，但又見唔到有人…突然間好快咁d 聲已經去到佢右面(或左面)，「拍！拍！拍！」一望有聲既方向，d 聲係另一個方向出現，望另一邊，d 聲又走反去第二面~~~嚇到佢拿聲反酒店~~

屋企事件，有恐怖同攪笑野 ：一．有一次佢比鬼壓，唔動得好驚，拿拿聲念觀音經(定其他經)，但有把聲男人係佢耳邊講「唔洗念喇！冇用架！」佢聽完好慶，話隻野好串，即時爆粗，咁又冇事，動得番~~二．試過見兩次，兩次都係七月節~~佢係瞓廳既，有一次瞓瞓下見到個紅色野係露台出面飄入屋，飄左去廚房(舊屋邨廚房係露台隔離)個廚櫃度，跟住慢慢轉身，原來係一個男人樣，嚇到佢標晒冷汗~~第二年又見到佢，之後搬走就冇再見了~~三．佢覺得係最恐怖最大件事的~~有一年夏天，好熱的晚上，熱到出晒汗，佢係廳度睇電視，突然間有度好冷既氣係門口沖入屋，飄去佢個度，係好快咁沖過去(佢係由好熱出晒汗變做好凍，好寒)想壓落佢個身~~~佢話佢feel到呢單野好大濟的，立即拿拿聲反入房，放個關帝相係床頭，但佢feel到d冰冷氣由佢隻腳慢慢爬上身，佢立即亂踢對腳，一路念觀音經，一路揸住個關帝相~~最後捱到天光，拿拿聲同阿媽講，跟住去樓下紙扎舖依d店員方法燒d野就冇野了~~

係咁多，信不信由你了~~ 

前幾日係免費報紙度睇過一篇國際花邊新聞，標題係「快樂小國人民初嘗民主滋味 不丹首次國會選舉順利舉行」，內容係講係開明有為既年輕君主唔戀棧權力，主動推行民主選舉，還權於人民。亦係因為呢單新聞而令的想起之前睇過另一篇講不丹專輯~~不丹　最快樂的窮國。

不丹~~呢個有「喜瑪拉雅山下香格里拉」之稱既南亞小國，佢夾係中國同印度之間既。當年睇完個篇專輯後真係好想去的，但當你發覺去呢度一d都唔平，一日要成200蚊美金，再加上一年只有約10000人可以去，US200x14日再加其他費用，窮人係去唔到快樂窮國的，所以想左一排就冇再想了~~想去既原因一方面係因為型，試想想同人講你去過不丹，幾型啊!!!d人可能連聽都未聽過，「施丹我就知，咩不丹啊?!食得架???」另一方面係想去下呢個文中所形容得咁純樸、潔白既國家，點解d人民可以咁知足、點解當權者可以咁開明?知足既人民加開明既君主再加開心就等於不丹亦即係傳說中既桃花源~~

文中有幾句野係幾值得思考既

「真正有品質的生活，不是生活在有高物質享受的地方，而是擁有豐富的精神層面與文化，我想，這就是不丹所已經擁有。」內政部長吉莫．廷禮

「如果不追求國民的快樂，我不知道一個國家還能有什麼其他的最高目標。」他的名字是達瓦，十四歲，正就讀九年級。

「一個追求快樂的國家，才是最偉大的國家。」

都唔知係第幾個係我屋企出世而又唔係姓吳既bb了,奇怪地係居然全部都係男仔~~雖然好唔想d親戚又黎香港生bb,但見到條o靚仔,又真係好可愛,細細粒,靜係識哇哇哇~~祝佢快膠長大,健康快好啦~~

佢又哇喇~~~

這二本書早在上年已經看完了，其實一路都想寫寫讀後感同推介比大家的，但就成日都忘記，今早突然間想起了其中一本書，二話不說，立即放下繁忙的工作，抽出寶貴的時間寫下這篇文章推薦給大家，兩本書都是同一個作者，都是中國作者，兩本書分別叫「活著」及「兄弟」，作者余華，嘿！誰說中國近代沒有好作家。
前陣子很喜歡逛簡體書店，閒逛途中，看到了余華的新書「兄弟」放在當眼位，分上下兩冊，十分厚，兩冊共有七百多頁。因之前看過改編自余華「活著」的同名電影，冷血如我都感動到喊了多次～～今次看到有新書推出，想買但太厚了，怕自己會看到一半放棄，所以第一次沒有買，過幾天又去逛，又看到，又在想買的意欲下放棄了，第三次看到，終於忍不住拿起兩冊書，把它們買下帶回家了，記得我是考慮了一會，呼一口大氣才打開第一冊的。而「活著」這本書是看完「兄弟」才買的，心想要哭的都早在幾年前戲院裡哭完了，要流的淚早成流乾了，可惜的是再重看原著，眼淚依然是不受控制的流出眼眶。兩本書的時代背景都是近代的中國，「活著」是由民初至國共內戰到共產黨掌權而「兄弟」是由共產黨掌權到文革（不知所謂的政府鬥爭時期）直到開放初期。阿虎第一次寫書介，應該會寫得不好及不吸引，但大家應相信我為人，去圖書館借來看看，不用花錢的。
先寫「活著」，故事內容是記一個有錢二世祖如何輸光（騙光）身家，如何由一個大地主變為一個最窮的農民，但他的父母，妻兒等家人都沒有離棄他，怪責他，但可能是上天對他的懲罰，在他身邊的每個親人一個一個地在他面前死去，父、母、妻、兒、女、女婿、孫子無一幸免，可以說是全部都是慘死，看這書會令到讀者很不開心，情緒很底落。故事有大悲也有大喜，活著只為生存，沒有其他，但主角的活著是不斷地承受著種種的哀傷，承受著親人一個個的離他而去，最應該死的他返而存活下來。每一個親人都是自己親手埋葬，打兒子不聽話及死兒子時你會感受到父母對兒女的愛，妻子死前的遺言也令你有毛骨悚然，心如刀割的悲痛、孫子的死更是慘到極點，慘到無朋友。主角由一個除了懂食飽拉屎、起床賭錢以外就什麼都不懂得的人，為了養家，要下田幹活，但他沒有自悲，也沒有磋嘆，命運是容不得你我選擇的，最後只剩下自己，一頭老黃牛及10塊錢（不記得多少了），也得活著。
另一本「兄弟」就比較瘋狂了，瘋狂爆笑加慘到極點通通都有，故事大約內容是講一對不同父母的異姓兄弟宋鋼及李光頭的一生，由小講到大，他兩人性格不同，最後際遇也不同。上冊比較悲情，兄弟倆的可憐生活是他們的前半生，他兩兄弟的父母怎樣在一起，怎樣一起生活，他一家的真摰感情及兩兄弟情誼，及後宋鋼的爸爸宋凡平（定平凡）怎樣因文革而死，一個瘋狂，失去理智及埋沒良知時代，橫死於火車站的那一幕又係慘到無朋友 。下冊是兩兄弟各自的人生，就比較瘋狂胡鬧，開放後的中國，各式各樣的怪現象，對假處女膜，選美，壯陽藥，豐胸膏，電器，車的追求，李光頭怎樣向上爬，剩著時代的變遷，自己對時代的適應力，由一個無賴變成名成利就，取得成功的人，而忠誠愚笨的宋鋼又是怎樣的失敗（不能適應社會的改變，但當他為了生活而接受時，社會好像已經遺棄了他）及內心的放不開也令他一步步走向的死亡，當他自殺的一刻林紅及李光頭還在床上交歡。李光頭一生都沒有忘記兄弟情，可惜是宋鋼的性格令自己滅亡。李光頭的狡猾宋鋼的戇直宋凡平的樂觀克苦忍耐及林紅墮落（後悔？？）還有他們媽媽（忘記了名）的害羞及怕人家閒言閒語的性格都代表了大部份中國人。
「這是兩個時代相遇以後出生的小說,前一個是文革中的故事,那是一個精神狂熱､本能壓抑和命運慘烈的時代…後一個是現在的故事,那是一個倫理顛覆､浮躁縱欲和眾生萬象的時代。」作者的後記。

自從香港個政府開放比大陸d孕婦黎香港生bb後(我指既係父母都係內地人),每年都有數以萬計既孕婦黎香港生仔~~政府話可以幫d醫院賺錢,但聽d係醫院做緊朋友講,咪又係有好多人走數,將來重要養埋呢班人,雖然話將來既野將來先知,但因為政府呢個政策而影響左我地屋企幾年了~~每年都有一兩個大陸親戚來香港生子,都係住係我屋企,好煩....真係好煩,瞓又唔夠地方瞓,要同老豆孖舖,電話又多....嘈到死~~阿媽重慘,又要同佢地去呢度去個度,表面上好開心好熱情,但當班人一唔係度就申~~最衰個死人政府比佢地黎香港生,個個都黎生,生一個都係4-5萬蚊,但一生出黎個bb就可以攞公援...攞一年已番本,第二年又你香港人養.....個個生完都話唔會留係香港,咁黎香港生把鬼咩~~係大陸有錢就咪鬼落黎生啦,又睇唔起香港人,但又要落黎,真係把鬼~~每次都係由佢地黎個一刻就想佢地快d生完走,呢d情況都唔知重要維持幾耐~~